Accessibility links

Breaking News

Vana Chiremba Vopinda Muzuva Retatu Vachiramwa Mabasa


VaDavid Parirenyatwa
VaDavid Parirenyatwa

Kuramwa mabasa kwavana chiremba kwapinda muzuva retatu neChitatu nhaurirano dzichinzi dziri kuenderera mberi pakati pesangano rinomiririra vana chiremba ava reZimbabwe Hospital Doctors Association nebazi rezvehutano.

Asi munoyi mubazi rezvehutano, Retired Brigadier Gerald Gwinji, vanoti vana chiremba vakaramba vachiramwa mabasa vachakumbira vana chiremba kubva kuZimbabwe National Army, Air Force nekumapurisa. Vana chiremba ava ndivo vanosimbodaidzwa kana vana chiremba vemuzvipatara zvehurumende varamwa mabasa.

Vana chiremba vanoti vari kuda kuti mari dzavanotambira dziwedzerwe uye kuti hurumende iise zvikwanisiro muzvipatara zvavanoshandira. Hatina kukwanisa kubata gurukota rezvehutano, Dr David Parirenyatwa.

Asi mutungamiri wesangano ravana chiremba reZimbabwe Hospital Doctors Association, Dr Fortune Nyamande, vanoti neChina vachataurirana naVaParirenyatwa nezvenyaya iyi.

Hurukuro naDoctor Fortune Nyamande
please wait

No media source currently available

0:00 0:01:22 0:00
Pekupinda Napo Kuti Muone Zvamuri Kuda

XS
SM
MD
LG